Мәктәптәрҙә тәмәке тартҡан өсөн штраф тураһында закон проекты хупланды

Рәсәй Федерацияһы Хөкүмәте Башҡортостан парламентының Рәсәйҙең Административ хоҡуҡ боҙоуҙар тураһында кодексына тәҡдим ителгән үҙгәрештәрҙе хупланы. Улар мәктәп биләмәһендә тәмәке тартыуҙы кәметеүгә йүнәлтелгән, тип хәбәр итә Башҡортостан Дәүләт Йыйылышының матбуғат хеҙмәте.

Башҡортостан Дәүләт Йыйылышы рәйесе Константин Толкачев һүҙҙәренсә, республика депутаттарының закон сығарыу башланғысы мәктәп һәм балалар баҡсалары биләмәләрендә йәки биналарында никотинлы продукция, шул иҫәптән электрон тәмәке һәм вейп тартыуға ҡағыла. Закон боҙоусылар өсөн юғарыраҡ штраф (2000-3000 һум) индерергә тәҡдим ителә, әле штраф –500-1500 һум. Рәсәй Хөкүмәте закон проекты концепцияһы менән ризалашты.

Бынан алдараҡ «Башинформ» Башҡортостанда йәмәғәт урындарында вейп тартҡан өсөн штраф һалыу тураһында хәбәр иткәйне.

https://www.bashinform.ru/news/politics/2024-10-01/pravitelstvo-rf-podderzhalo-zakonoproekt-bashkirii-o-shtrafah-za-kurenie-v-shkolah-3951624