Эш биреүсе законһыҙ рәүештә эштән сығарһа, нимә эшләргә?

 Эш биреүсе законһыҙ рәүештә эштән сығарһа, нимә эшләргә? Башҡортостан Республикаһы буйынса Дәүләт хеҙмәт инспекцияһы белгестәре аңлата.

 Ойошманы бөтөрөү йәки шәхси эшҡыуарлыҡ эшмәкәрлеген туҡтатыу осраҡтарынан тыш, эш биреүсе үҙенең башланғысы менән:

- йөклө ҡатындар;
- өс йәшкә тиклемге балаларҙың әсәләре;
- әгәр улар ғаиләне берҙән-бер ҡараусы булһа һәм ғаиләлә өс һәм унан күберәк бәләкәй бала һәм уларҙың береһе өс йәштән кесерәк булһа, күп балалы ата-әсәләр;
- өс йәшкә тиклемге баланы ҡарау буйынса отпускылағы ата-әсәләр;
- 14 йәшкә тиклемге балаларҙың йәки 18 йәшкә тиклемге инвалид баланың яңғыҙ ата-әсәһе;
- 18 йәшкә тиклемге инвалид баланы яңғыҙ ҡараусы хеҙмәткәр;
- хеҙмәткәр отпускыла йәки дауаханала булһа, хеҙмәт килешеүен өҙә алмай.

📝 Шулай булыуға ҡарамаҫтан, һеҙҙе законһыҙ эштән сығарһалар, судҡа мөрәжәғәт итергә кәрәк. Әгәр дәғүә яҙырға ярҙам кәрәк булһа:

- 8 (800) 707-88-41 һандары буйынса Хеҙмәт һәм мәшғүллек буйынса федераль хеҙмәттең тәүлек әйләнәһенә эшләгән ҡыҙыу линияһына йәки 8 (347) 277-87-02 һандары аша Башҡортостан Республикаһында хеҙмәт хоҡуҡтарын боҙоу буйынса ҡыҙыу линияға шылтырата алаһығыҙ;

- онлайнинспекция.рф порталы аша, электрон почтаға (git03@rostrud.gov.ru) йәки 450059, Башҡортостан Республикаһы, Өфө ҡалаһы, Оло Граждан урамы, 24 адресы буйынса ялыу ебәрә;

- Өфө ҡалаһы, Оло Граждан урамы, 24 адресы буйынса Башҡортостан Республикаһы буйынса Дәүләт хеҙмәт инспекцияһына шәхси ҡабул итеүгә яҙыла алаһығыҙ. Телефоны: 8 (347) 277-87-09

📆 Шәхси ҡабул итеүҙәр графигы:
- дүшәмбе-кесаҙна — Өфө ваҡыты буйынса сәғәт 9-ҙан 18:00 сәғәткә тиклем;
- йома — сәғәт 9-ҙан 17 сәғәт 45 минутҡа тиклем.
- тәнәфес — 13:00 сәғәттән 13 сәғәт 45 минутҡа тиклем.

#Аңлатабыҙ_Башҡортостан