Атаһының һөйәркәһен зыяратҡа алып барып...

Бәләбәй ҡала суды кешене урлауҙа ғәйепләнгән ике  ҡатынға ҡарата енәйәт эше буйынса хөкөм ҡарары сығарҙы.

2021 йылдың ғинуарында йәш ҡыҙ атаһының һөйәркәһе бар тип шикләнә. Спиртлы эсемлектәр эсеп, туғанына шул ҡатынды "аҡыл өйрәтергә" тәҡдим итә. Ҡатын-ҡыҙҙар уны мөһим һөйләшеү һылтауы менән өйҙән сығаралар, машинаға ултырталар һәм ҡала зыяратына алып китәләр, унда бер нисә сәғәт тоталар, ваҡыты-ваҡыты менән туҡмайҙар һәм үлтереү менән янайҙар. Һуңынан зыян күреүсене урлау инициаторының атаһы йәшәгән йортҡа ҡалдырып киләләр. Уның кеҫә телефонын ҡулланырға маташыуын күреп, енәйәтселәрҙең береһе уны ҡулынан тартып ала. Урынға килгән полицейскийҙар енәйәтте туҡтата.

«Роленә һәм ҡатнашыу дәрәжәһенә ҡарап, улар кешене урлауҙа, һаулыҡҡа уртаса ауырлыҡтағы зыян килтереүҙә, үлтереү менән янау һәм талауҙа ғәйепле тип табыла. Ғәйепләнеүселәр енәйәт ҡылыуҙа өлөшләтә ғәйепле булыуын таный. Уларға 6 йыл 6 ай һәм 5 йыл 6 ай (һәр береһенә шартлы рәүештә 4 йылға) иркенән мәхрүм итеү язаһы тәғәйенләнә, суд шулай уҡ зыян күреүсегә мораль зыян өсөн компенсация сифатында 100 мең һум түләргә бурыслы», - тип хәбәр иттеләр Башҡортостан прокуратураһының матбуғат хеҙмәтенән. 

фото:Башинформ.