Иренә үс итеп...

Ҡариҙел районы полиция хеҙмәткәрҙәре йөк машинаһына ут төртөүсене асыҡлаған. Бының тураһында Башҡортостан буйынса Эске эштәр министрлығының матбуғат хеҙмәте хәбәр итә.

Тәфтишселәр мәғлүмәттәре буйынса, зыян күреүсенең ҡатыны ҡыҙғаныу тойғоһо арҡаһында енәйәт ҡылған. Рәсәй Эске эштәр министрлығының Ҡариҙел районы буйынса бүлегенең дежур бүлегенә күршеләрҙән «Газель» фургонының яныуы хаҡында 26 йәшлек ҡатындан хәбәр килгән.

Ваҡиға урынына килгән полиция хеҙмәткәрҙәре 34 йәшлек ҡатындың машинаға ут төртөүе ихтималлығын асыҡлаған. Ханым үҙенең ғәйебен таныған һәм көнләшеү сәбәпле ире менән ыҙғышҡандан һуң енәйәт ҡылыуы хаҡында һөйләгән.

Яҡынса мәғлүмәттәр буйынса, автомобиль ғәйепләнеүсенең һәм уның иренең милкендә. Был хәл ирҙең эш буйынса Өфөгә китеүенән һәм ҡатынының шылтыратыуҙарына яуап бирмәүенән башлана. Ғәйепләнеүсе, үпкәһен йәшереп, үс алыу тураһында уйлай башлаған. Ир ауылға ҡайтҡас, ата-әсәһендә туҡтаған, сөнки көн элгәре улар ҡатыны менән ыҙғыша. Үҙ сиратында ҡатын, кире килеүен белгәс, иренә ниәте тураһында хәбәр яҙған, ләкин зыян күреүсе уға әһәмиәт бирмәгән. Ханым спиртлы эсемлектәр ҡулланып, үҙе менән бензин алып, «идеяһын» тормошҡа ашырыу өсөн туғандарының өйөнә ҡайтып юлланған. Быяланы ватып, ҡатын автомобиль салонына бензин һибә башлаған, һуңынан ут төртөп енәйәт урынынан ҡасҡан.

Әлеге ваҡытта килтерелгән зыянға баһа бирелә һәм енәйәт эше ҡуҙғатыу мәсьәләһе хәл ителә.

Фото: Башҡортостан буйынса Эске эштәр министрлығының матбуғат хеҙмәте.