Штрафтарҙы ваҡытында түләмәһәң...

Федераль суд приставтарының матбуғат хеҙмәте хәбәр итеүенсә, бурыслының водитель хоҡуҡтары сикләнгәс, ул 130 мең һум күләмдә туплаған ЮХХДИ штрафтарын түләгән.

Систематик рәүештә юл хәрәкәте ҡағиҙәләрен үтәмәү, тиҙлек режимын арттырыу, юл разметкаһы талаптарын инҡар итеү Хәйбулла районы кешеһен ҙур бурыстарҙы туплауға килтергән.

Вайымһыҙ водителгә ҡарата административ яуаплылыҡ тураһында 224 ҡарар мәжбүри башҡарыу өсөн суд приставтарының Хәйбулла бүлегенә килгән. Бүлек хеҙмәткәрҙәре уполномоченный органдарының ҡарарҙарын үтәү өсөн бурыслының водитель хоҡуҡтарын сикләү тураһында ғариза менән судҡа мөрәжәғәт иткән.

Һөҙөмтәлә граждандың йәйәүле булырға теләргә килмәүе уны башҡарма производстволар бурыстарҙы ҡаплауға саралар күрергә мәжбүр иткән.  Бынан һуң ир автотранспорт менән идара итеү хоҡуғын ҡайтара алған.

фото:ЮХХДИ