Быҙаулыҡта - Ифтар мәжлесе

Беҙҙең диндә ауыҙ астырыу йәки ифтар ҡылдырыу яҡшы ғәмәлдәрҙән һанала.
Мосолмандарҙа ифтарға сиратлап байрам табыны әҙерләү һәм ураҙа тотоусыларҙы һыйлау ғәҙәте күптәндән йәшәп килә. Был үҙе бер йәмле, йылы осрашыу, һауаплы ғәмәл.
Изге Рамаҙан айында 12 март Быҙаулыҡ ауылында Килдебаевтар, 6 ғаилә бөтә ауыл халҡын ифтар мәжлесенә йыйҙылар.
Килдебаевтар Әсҡәт һәм Фирҙәүес, Фидай һәм Люциә, Әлфрит һәм Суфия, Зәлфрит һәм Әлфирә, Нәсимә һәм Айгөл.
Беҙҙең ауыл тарихында был хәл беренсе тапҡыр, ҡорбан ғәйете ваҡытында ҡорбан ашатыусылар булды, әммә Ураҙала ифтарға бөтә ауыл халҡын йыйыу беренсе тапҡыр.
Был хәлде беҙ үҙебеҙҙең йолаға, традицияға әйләнеп китер тип өмөтләнәбеҙ. Күптәргә өлгө булып һынала был изге эш.
Илебеҙгә тыныслыҡ, бәрәкәт, махсус хәрби опҽрацияла ҡатнашҡан ир-егеттәребеҙҙең имен-һау тыуған ерҙәренә әйләнеп ҡайтыуҙарын теләп аяттар уҡылды, хәйерҙәр һалынды. Ошо мәжлесте ойоштороусыларға, һый-хөрмәт әҙерләгән хужабикәләр ҙур рәхмәтебеҙҙе белдерәбеҙ.
Эштәрендә уңыштар, ғаилә именлеге, ныҡлы һаулыҡ, балаларының шатлыҡ, ҡыуаныстарын төрөнөп йәшәүҙәрен теләйбеҙ.