Хәйбулла районы башҡорттары ҡоролтайы исеменән тағы ла бер изге эш атҡарылды

Күптән түгел райондың "Аҡһаҡалдар ҡоро" етәксеһе Бохарбаев Миңлеғәле ағай етәкселегендә Ҡоролтайҙың ир-егеттәре Аҡъяр ауылының "Жәмиғ" мәсете соланын матур итеп профнастил менән көпләп ҡуйғайны.

Был юлы иһә Миңлеғәлим Әхмәт улы "Ҡоролтай" исеменән бөтә финанс сығымдарҙы ла үҙ өҫтөнә алып Аҡъяр ауылы ҡәберлегенә йылы, уңайлы будка ултыртты. Был будка, күптәнге халыҡтан талап ителгән ҙур бер мәсьәлә булып тора ине.
Ошо будканы алып килеүҙә ҙур ярҙам иткән Хәйбулла районы советы рәйесе Рәхмәтуллин Ришат Зәйнәғәле улына, уны ултыртышыуҙа, тәртипкә килтереүҙә ярҙам итешкән, ҡәберлек өсөн яуаплы хәҙрәт Ҡоҙабаев Хөсәйен ағайға, "Жәмиғ" мәсете хәҙрәте Мөхәмәҙйәров Хәйҙәска, ҡоролтай ағзаһы, "Аҡһаҡалдар ҡоро" сәркәтибе Байбулатов Зиннурға Миңлеғәлим Әхмәт улы оло рәхмәтен белдерә.