Тыуған яҡҡа иҫән-һау ҡайтығыҙ!

Махсус хәрби операцияла ҡатнашҡан яугирҙар Фирғәт, Фидан һәм Ришаттың именлегенә уларҙың туғандары һәм яҡындары ҡорбан салдырып, мәсеттә ҡорбан  ашы уҙғарҙы. Был изге эштә уларға «Тыуған тыл. Хәйбулла» төркөмө ирекмәндәре, «Ватанды һаҡлаусылар» фонды хеҙмәткәрҙәре булышлыҡ күрһәтте. Сарала райондың имамдары, ялға ҡайтҡан яугирҙар, махсус хәрби операция ветераны, Аҡъяр ауылы халҡы, район һәм ауыл биләмәләре хакимиәттәре вәкилдәре ҡатнашты.

Имамдар вәғәздәр һөйләне, халыҡты мәсеткә йышыраҡ йөрөргә саҡырҙы. Хәрбиҙәрҙең иҫән-имен йөрөүҙәренә, һаулығына район мосолмандары имам-мөхтәсибе Муса хәҙрәт һәм диндарҙар аят бағышланы. Илебеҙҙә тиҙерәк тыныслыҡ булһын, ир-егеттәр иҫән-һау тыуған яғына әйләнеп ҡайтһын, тип теләне улар.  

Салған ҡорбандар, изге теләктәр ҡабул булһын! Яугирҙар имен-һау тыуған яҡтарға әйләнеп ҡайтһын!