Быйылғы Рамаҙан айының һуңғы ифтар табынын бөгөн йола буйынса мосолман ҡәрҙәштәребеҙ менән бергә уҙғарҙыҡ.
Ауыл имамдары, махсус хәрби операцияла ҡатнашыусы егеттәребеҙ, уларҙың ата- әсәләре лә уртаҡлашты табынды. Йыл һайын ғаиләһе исеменән һарыҡ һуйып биргән райондашыбыҙ Урал Таймасов, Аҡьяр тау колледжы ашнаҡсылары, район хакимиәте, мәҙәниәт бүлеге ҡыҙҙары тарафынан әҙерләгән һыйҙарҙан ауыҙ итеп, ағай-апайҙар табын артында рәхәтләнеп һөйләшеп, аралашып ултырҙы, илгә тыныслыҡ, имен тормош, хәйерле көндәр теләп, изге урында ошо сауаплы ғәмәлде ойоштороусыларға ҙур рәхмәттәрен еткереп таралышты. Киләһе йылда ла ошо күркәм табын артында именлектә осрашырға яҙһын, тотҡан ураҙаларыбыҙ ҡабул, сауаптары насип булһын!