Ауылдарҙа иман йорттары ҡалҡа

Райондың бер нисә тораҡ пунктында мәсет төҙөлөштәре дауам итә. Объекттар мәхәллә кешеләренең аҡсаһына төҙөлә. Спонсорҙар ҙа үҙ өлөшөн индерә. Хәйбулланың Хәйриә фондынан Үрнәк, Юлбарыҫ һәм Маҡан ауылдары мәсеттәренә 100 меңешәр һум аҡса бүленгән. Юлбарыҫ ауылында мәсет быйыл йәй төҙөлә башланы. Ауыл халҡы көсө менән бина төҙөлгән, ҡыйығы ҡоролған, фондтан бүленгән аҡсаға ауыл халҡы профлист һатып алырға һәм ҡыйыҡты ябырға ниәтләй. Маҡан ауылында бүленгән аҡсаны төҙөлөш материалдарына, эске биҙәүгә, шулай уҡ конструкцияһы металл булған манара өсөн профилле торбалар һатып алыуға йүнәлтәләр. Ә Үрнәк ауылында бүленгән аҡса иҫәбенә тәҙрәләр һәм ишектәр ҡуйырға ниәтләйҙәр.