+23 °С
Болотло
ИҠТИСАД
18 Май 2023, 13:00
Башҡортостан делегацияһы «Рәсәй - ислам донъяһы: KazanForum2023» иҡтисади форумында ҡатнаша
Башҡортостан делегацияһы «Рәсәй - ислам донъяһы: KazanForum2023» иҡтисади форумында ҡатнаша
Бөгөн Ҡазанда «Рәсәй — ислам донъяһы: KazanForum2023» халыҡ-ара иҡтисади форумы асылды. Уның эшендә Башҡортостан делегацияһы ла ҡатнаша. Республика экспозицияла үҙенең ҡаҙаныштары сағылдырылған ҙур стенд менән дә таныштыра.
«Беҙ ошо форумға тәүге тапҡыр ҙур делегация менән килгәнбеҙ һәм үҙебеҙҙең стендты тәҡдим итәбеҙ. Республикабыҙҙы танытыу мөһим бурыстарҙың береһе булып тора. Стендта үҙебеҙҙең төп йүнәлештәр, үҙенсәлекле проекттар, матур урындары менән таныштырабыҙ. Мәҫәлән, беҙҙең стендта Евразия ғилми-белем биреү үҙәге һәм юғары уҡыу йорттары студенттары кампусының макеты бар. Белеүегеҙсә, төҙөлөш башланды, беҙ ислам донъяһынан хеҙмәттәштәребеҙҙе ошо проектта ҡатнашырға саҡырабыҙ. Беҙҙең экспортерҙарға яңы баҙарҙарға сығыу юлдарын эҙләү мөһим, улар шул уҡ ислам илдәре. Күбеһендә ҡулланыусы өсөн хәләл сертификатының булыуы мөһим. Был йүнәлештә беҙҙең Сауҙа-сәнәғәт палатаһы әүҙем эшләй», - тине республиканың тышҡы иҡтисади бәйләнештәр һәм конгресс эшмәкәрлеге министры Маргарита Болычева.
Иртәгә «Рәсәй — ислам донъяһы: KazanForum2023» халыҡ-ара иҡтисади форумы эшендә Башҡортостан Башлығы Радий Хәбировтың ҡатнашыуы көтөлә, тип билдәләне ул. Ул сит ил, шул иҫәптән Ирандан, Төркиәнән, Азербайжандан партнерҙар менән эшлекле осрашыуҙар үткәрергә һәм пленар ултырышта ҡатнашырға йыйына. Бөгөн форумда ислам хеҙмәттәшлеге ойошмаһына ингән илдәр өсөн инвестиция мөмкинлектәре презентацияһы була.
Форум сараларында донъяның 85 иленән һәм Рәсәйҙең 84 төбәгенән 7 меңдән ашыу кешенең ҡатнашыуы көтөлә.
