2023 йылда 18 төбәк авиарейсын субсидиялау күҙаллана

Федераль һауа транспорты агентлығы 2023 йылда субсидияланырға тейешле маршруттар исемлеген раҫланы. 2023 йылдың 1 ғинуарынан 308 йүнәлеш буйынса осоштар башҡарған 17 авиакомпания – ошо программаны ғәмәлгә ашыра, ә махсус тариф буйынса 4 миллиондан ашыу билет һатыла башлай. Маршруттар исемлеге агентлыҡ сайтында баҫылған.

Субсидия бүленгәндәр араһында – 18 маршрут. Улар – Әстрхан, Волгоград, Красноярск, Минвод, Омск, Нарьян-Мар, Түбәнге Новгород, Новосибирск, Грозный, Махачкала, Пермь, Һамар, Төмән ҡалаларынан Өфөгә рейстар. Өфөнән Салехардҡа, Надымға, Ноябрьскиға, Ханты-Мансиға, Силәбегә осоштар субсидиялана.

Төбәк һауа юлдарында пассажирҙар ташыуҙы субсидиялау программаһы Рәсәй Хөкүмәтенең 2013 йылдың 25 декабрендәге 1242-се ҡарарына ярашлы ғәмәлгә ашырыла. 2023 йылда уны үтәү өсөн федераль бюджеттан 9 миллиард һум аҡса бүленгән.

https://www.bashinform.ru/news/social/2022-11-01/v-2023-godu-planiruetsya-subsidirovanie-18-regionalnyh-aviareysov-s-posadkoy-v-ufe-3011317