Иген һәм ҡуҙаҡлы иген культураларын һуғыу буйынса алдынғылар - Виктор Власенко, Виктор Фунтиков, Урал Зәкиров, Юрий Погорелов, Сергей Лоскутовтың хужалыҡтары. Илнур Сөләймәнов крәҫтиән-фермер хужалығында ураҡ эштәре тулыһынса тамамланған.
Райондың айырым хужалыҡтары етен йыйыуға төштө. Мал аҙығы әҙерләү кампанияһы ла дауам итә. Аграрийҙар 42 мең тоннанан ашыу бесән әҙерләгән, ул район өсөн мал аҙығы әҙерләү буйынса бик яҡшы күрһәткес, шулай уҡ район аграрийҙары сенаж һала башланы.