Рәсәй банкы төп ставканы йылына 20% тиклем күтәрҙе

Рәсәй банкының директорҙар советы 2022 йылдың 28 февралендә төп ставканы йылына 20% тиклем арттырырға хәл итте.

«Рәсәй иҡтисады өсөн тышҡы шарттар бөтөнләй үҙгәрҙе. Төп ставканы күтәреү депозит ставкаларын девальвация һәм инфляция хәүефен компенсациялау өсөн кәрәкле кимәлгә тиклем арттырырға мөмкинлек бирә. Был финанстың һәм хаҡтың тотороҡло булыуы, граждандарҙың йыйған аҡсаһын хаҡһыҙланыуҙан яҡлау өсөн кәрәк», — тиелә Үҙәк банктың рәсми белдереүендә.

«Башинформ» хәбәр иткәнсә, 11 февралдә Рәсәй банкы төп ставканы йылына 9,5% тиклем күтәрҙе.

https://www.bashinform.ru/news/economy/2022-02-28/bank-rossii-povysil-klyuchevuyu-stavku-do-20-godovyh-2709142

Автор:Галина Бахшиева.