Етендең етмеш төрлө шифаһы бар тигәндәр...

Беҙ, ғәҙәттә, үҫемлек майҙарынан көнбағыш майына өҫтөнлөк бирәбеҙ, сөнки ул арзан да, өйрәнелгән дә. Әммә бөгөн сауҙа кәштәләрендә ниндәй генә төрҙәр юҡ: зәйтүн, етен, ҡабаҡ майҙары һәм башҡалар.

Улар араһында файҙалы компоненттары йәһәтенән етен майы иғтибарға лайыҡ. Ул витаминдарға (айырыуса Е витаминына), майлы кислоталарға, макро- һәм микроэлементтарға бай. Ябығырға теләүселәр уны киң ҡуллана, шулай уҡ косметология өлкәһендә лә бик популяр.

Түбәндәге осраҡтарҙа етен майы айырыуса файҙалы, тип иҫәпләй белгестәр.

* Йөрәк-ҡан тамырҙары сирҙәрен иҫкәртеү.

* Шәкәр диабетынан, һимеҙлектән йонсоу.

* Төрлө яман шештәрҙе (бигерәк тә һөт биҙҙәрендә) иҫкәртеү өсөн.

* Эс ҡатыу (эсәктәр эшмәкәрлеген яҡшы көйләй).

* Организмдың ҡартайыуына ҡаршы көрәшә, бит-йөҙҙө матурлай, тиренең, сәс һәм тырнаҡтарҙың торошон яҡшырта.

Күп осраҡта етен майын иртәнсәк ас ҡарынға бер аш ҡалағы эсергә кәңәш итәләр.