-8 °С
Ҡар
Бөтә яңылыҡтар
ФАЙҘАЛЫ КӘҢӘШТӘР
25 Февраль , 10:58
Матурлыҡ рецебы
Иртән ошондай ризыҡ ашаһағыҙ, тирегеҙ яҡшырыр, айырыуса бит-йөҙ тирәһе матурланып китер. Тағы ла был рецепт дәрт бирә һәм айына 2,5 килограмға тиклем ауырлыҡты кәметергә ярҙам итә. Аш һеңдереүҙе яҡшырта, эс ҡатыуҙан һәм артыҡ майҙан ҡотолдора.
Ингредиенттар:
- биш – ете бөртөк ҡара емеш (чернослив),
- ике аш ҡалағы һоло яҫмығы,
- бер стакан кефир йәки майһыҙ йогурт,
- бер аш ҡалағы етен майы,
- бер балғалаҡ какао-порошок.
Әҙерләү барышы:
Ҡара емештең өҫтөнә 100 мл ҡайнар һыу ҡойоп, 10-15 минутҡа ултыртып тороғоҙ;
Айырым һауытта һоло, какао һәм етен майын бутағыҙ;
Уларға кефир өҫтәгеҙ һәм һәйбәт итеп болғатығыҙ;
Бүрткән ҡара емеште ваҡ итеп турап, ҡатнашмаға өҫтәгеҙ;
Тағы бер тапҡыр болғатығыҙ һәм төнгөлөккә һыуытҡысҡа ҡуйығыҙ. Һыуыҡ ризыҡ яратмаһағыҙ, бүлмә температураһында, һалҡынсараҡ урында ҡалдырырға ла мөмкин.
Тәмле лә, файҙалы ла иртәнге ризыҡ әҙер. Сәләмәт булығыҙ, файҙаһын күрегеҙ!
Фото: А. Данилов.
Сығанаҡ: https://bashkizi.ru/articles/explain_bash/2026-02-22/maturly-retseby-4588529
Новости партнеров