Винегретты икенсе төрлө ысул менән эшләп ҡарайыҡ

Винегретты икенсе төрлөрәк итеп эшләйек әле.

Бының өсөн ️250 г бешмәгән сөгөлдөрҙө әрсеп таҙартайыҡ та шаҡмаҡлап турайыҡ.

50 г бешмәгән кишерҙе шулай уҡ шаҡмаҡлап турайбыҙ.

250 г картуфты ла шаҡмаҡлап турайбыҙ. Был өсәүҙе лисҡа матур ғына итеп теҙеп һалабыҙ ҙа өҫтөнә үҫемлек майы һибәбеҙ.

210 градус ҡыҙыулыҡтағы духовкала 20-25 минут бешереп алабыҙ.

Һыуынһын өсөн ситкә ултыртып торабыҙ.

Был арала ️250 г корнишонды шаҡмаҡлап турайбыҙ ҙа табаҡҡа һалабыҙ.

Шунда уҡ ️400 г ҡыҙыл фасолде, ваҡлап туралған ҙур булмаған һуғанды, туралған ️25 г кинзаны, 20 г укропты, 10 г петрушканы, ️40 мл үҫемлек майын, ярты лимон һутын (теләк булһа), тоҙ, борос, һыуынып өлгөргән кишерҙе, сөгөлдөрҙө, картуфты өҫтәп, яҡшылап болғатабыҙ ҙа ситкә ҡуйып торабыҙ.

Йәшелсәләр бер-береһенең һутын һеңдереп, маринадланырға тейеш.