Тауыҡ итенән рулет

Тауыҡтың һум ите – 2 киҫәк, 2 дана йо­мортҡа,  1 банка ҡара һәм йәшел зәйтүн емеше, сыр, майонез, 2 ҡалаҡ он, петрушка, укроп кәрәк. 
Тауыҡ итен нәҙек итеп ҡырҡып, төйөп, йомшартырға. Тоҙларға, бо­росларға, майонез һылап, маринадта ҡалдырырға. Йомортҡаны туғып, ике ҡалаҡ он ҡушып ҡыҙ­ҙырырға.  Ике ҡоймаҡ килеп сыға. Уға зәйтүн емештәрен ваҡ ҡына итеп турап һалырға. Йомортҡа ҡоймағын филе өҫтөнә ҡуйырға. Сыр һибергә. Рулет формаһында төрөп, асылып кит­мәһен өсөн кулинар еп йәки теш таҙартҡыс менән ҡыҫтырып, онда тәгәрәтеп алғандан һуң, майлы табала ҡыҙҙырырға. 40 минут мейестә бешереп алырға ла була.

https://ye102.ru/articles/mahsus/2024-09-23/tele-de-yotorlo-2-02-2024-3658104