+23 °С
Болотло
ФАЙҘАЛЫ КӘҢӘШТӘР
7 Сентябрь 2023, 03:14
Көн һайын алма ашағыҙ
Ул күп сирҙәрҙән һаҡлай.
Алманы Рәсәй халҡы рационында бик йыш осратырға була, шуға күрә беҙ уларҙы авокадо йәки чиа орлоҡтары кеүек “супер” емеш-еләк һымаҡ ҡабул итмәйбеҙ. Ысынында алма экзотик емеш-еләктәргә ҡарағанда ла файҙалыраҡ.
l Онкология сирҙәренән һаҡлай. Алмала антиоксиданттарға бай булған С витамины күп. Билдәле булыуынса, улар яман шеш күҙәнәктәре барлыҡҡа килеүен тотҡарлай.
l Ҡан тамырҙарының торошон яҡшырта. Көн һайын алма ашаһағыҙ, гипертония, инфаркт һәм инсульт хәүефе кәмей. Шулай уҡ алмала ҡан тамырҙары өсөн мөһим булған калий күп. Көн һайын бер алма ашау һөҙөмтәһендә йөрәк нығына, варикоз ауырыуҙары иҫкәртелә, ҡан тамырҙары таҙара.
l Ҡалҡан биҙе эшмәкәрлеген яҡшырта. Алмала, бигерәк тә уның орлоғонда, йод күп.
l Артыҡ килограмдарҙан ҡотолорға ярҙам итә. Алма файҙалы күҙәнәктәргә бай, шуға күрә ул оҙаҡ үҙләштерелә. Һөҙөмтәлә кеше тиҙ асыҡмай.
l Тире торошо яҡшыра. Алмала пектин матдәһе күп. Шулай уҡ ул тиҙ ҡартайыуға ҡаршы торорға ярҙам итә.
