Сәйгә тәмле рулет

Ингредиенттар:
 2 йомортҡа
 1 ст. шәкәр ҡомо
 1 ст. йогурт
 ванилин
 1 бал ҡалағы сода
 1,5 ст. он
 джем, ҡуйы ҡайнатма йә иһә ҡуйыртылған һөт(сгущёнка)

Әҙерләү:

1. Беренсе эш итеп духовканы ҡабыҙып ҡуйығыҙ. Уны 300 градуска тиклем йылытырға кәрәк.

2. Йомортҡа, шәкәр ҡомо һәм ванилинды болғатығыҙ. Ошо ҡатнашмаға йогурт, сода өҫтәгеҙ. Әкренләп он ҡуша башлыйыҡ: ҡамыр ҡуйы, тик ағып торорға тейеш.

3. Табаға ҡағыҙ ҡуйып ҡамырҙы тигеҙләп һалығыҙ. Һәм шул килеш духовкаға оҙатабыҙ. Оҙаҡ тотмайбыҙ: ни бары 7-8 минут. Ҡыҙара башлағас алабыҙ.

4. Алғас шул ҡыҙарған яғын йеүеш пленкаға һалығыҙ. Тиҙ-тиҙ сгущенка йәки джем һылап рулет формаһында төрөгөҙ. Шул пленка уратып ҡуйып һыуынырға ҡалдырығыҙ.

5. Табынға рулетты өҫтөнә пудра һибеп бирһәң, матур була.

Сығанаҡ: Файҙалы кәңәштәр.