

Сара барышында алып барыусылар балаларҙы Таналыҡ йылғаһының тарихы менән таныштырып, төрлө уйындар һәм конкурстар ойошторғандар. Артабан Быҙаулыҡ мәҙәниәт йортоноң «Ғилмияза» вокал ансамбле дәртле йырҙары менән ҡыуандырғандар. «Киләсәк быуында тәбиғәткә ҡарата һаҡсыл ҡараш, шәфҡәтлелек тойғоһо тәрбиәләү, тереклек донъяһына тик яҡшылыҡ эшләү теләге тыуҙырыу һәм уларҙы изге эштәрҙә ҡатнаштырыу беҙҙең бурысыбыҙ», – тип хәбәр еткерә Һамар ауыл хакимиәте башлығы Рафаэль Кәримов.