

Федоровка, Оло Әбеш, Аҡъюл, Таштуғай, Әҙел ауылдары халҡы Таналыҡ, Һаҡмар йылғалары буйҙарын, урман һыҙаттарын сүп-сар, ҡый-ғыпырҙан һәм кипкән ағастарҙан таҙартты. Пластик һауыт-һаба, сепрәк, шешәләр, ҡапҡастар, полиэтилен тоҡсайҙар, пакеттар... Нимә генә юҡ!
Тәү нәүбәттә таҙалыҡ үҙебеҙҙән башлана, тәбиғәт ҡосағында ял иткәндә таҙалыҡ тураһында оноторға ярамай. Ғәмһеҙ һәм битараф булмайыҡ. Ер яҙмышы – беҙҙең ҡулда!