-16 °С
Болотло
Бөтә яңылыҡтар
ЭКОЛОГИЯ
27 Сентябрь 2025, 08:45
Йәшәгән еребеҙ йәшел, йәмле һәм таҙа булһын!
Хәйбуллалар «Йәшел Башҡортостан» акцияһына ихлас ҡушылып, ауылдарҙы йәшелләндереү маҡсатында ағас һәм ҡыуаҡ үҫентеләрен ултыртыуҙа дәррәү ҡатнашты.
Башҡортостанда МХО яугирҙары һәм уларҙың ғаилә ағзаларына ярҙам итеү йылы уңайынан, Төньяҡ-Көнсығыш биҫтәһе паркында аҡъярҙар Махсус хәрби операцияла ҡатнашыусылар аллеяһын булдырыуҙа ҡатнашып, 30 төп шыршы үҫентеһен ултыртты.
Бынан тыш, Салауат Юлаев просектында һәм Муса Мортазин урамында йәшелләндереү буйынса өмәләр гөрләне. Көндөң һыуыҡ булыуына ҡарамаҫтан, иртә менән күптәр ҡулдарына көрәк һәм күнәктәр алып, хеҙмәт коллективтары йәиһә тотош ғаиләләре менән акцияға ихлас ҡушылдылар. Дөйөм алғанда, өмәләрҙә ихлас ҡатнашҡан хәйбуллалар ағас ултыртыуға етди ҡарап, был эштәрҙе тейешенсә атҡарыуға бөтә көстәрен һалырға тырышты. Әлбиттә, был тырышлыҡтар бушҡа булмаһын өсөн, артабан ошо ағас үҫентеләрен тәрбиәләп, ваҡыты менән һыу ҡойоп тороу ҙа мөһим мәсьәлә булып ҡала.
Нисә йыл рәттән инде «Йәшел Башҡортостан» экологик сара ғына түгел, барлыҡ кешене берләштергән байрамға әүерелде. Күмәк көс менән ултыртылған ағас үҫентеләре уңышлы ерегеп, бар тирә-яҡҡа йәм биреп ултырыр тип өмөт итәбеҙ. Ихлас күңелдән ултыртылған ағастарыбыҙ шаулап үҫһен, уларға ҡарап быуын-быуын хәйбуллалар һөйөнһөн!
Рөстәм Шәрипов, Хәйбулла районы хакимиәте башлығы:
—Хәйбуллалар «Йәшел Башҡортостан» акцияһына ғәҙәттәгесә дәррәү ҡушыла һәм бергәләп районыбыҙҙы йәшелләндереүҙә үҙ өлөшөн индерә. Бөгөн Аҡъярҙа Салауат Юлаев проспектында пирамидаль тирәктәр, ә Муса Мортазин урамында миләштәр ултыртылды. Төньяҡ-Көнсығыш паркта райондың 95 йыллығын билдәләү уңайынан Махсус хәрби операцияла ҡатнашыусыларға арналған һәйкәл асырға ниәтләйбеҙ. Әле уның янында хәрби техникалар постаменттарға ҡуйылды. Буласаҡ һәйкәл тирәһен төҙөкләндереү маҡсатында бында 30 төп эре шыршы үҫентеләре ултыртылып, МХО-ла ҡатнашыусылар аллеяһы булдырыла.
Новости партнеров