Үҫемлек ҡалдыҡтарын ҡайҙа итергә?

«Көҙгөһөн йорт яны биләмәләрен йыйыштырыу барышында контейнер майҙансыҡтарында үҫемлек массаһы тупланыу осраҡтары йыш күҙәтелә. 2025 йылдың 1 сентябренән РФ хөкүмәте ҡарары менән раҫланған үҫемлек ҡалдыҡтары менән эш итеүҙең яңы ҡағиҙәләре көсөнә инде. Был нормалар ботаҡтарҙы, япраҡтарҙы, үләнде һәм башҡа баҡса-баҫыу сүп-сарҙарын ғәҙәти контейнер майҙансыҡтарында урынлаштырыуҙы тыйҙы», - тип билдәләне Нияз Фазылов.

Министр һүҙҙәренсә, ер участкалары хужаларына үҫемлек ҡалдыҡтарын утилләштереүҙең альтернатив ысулдарын ҡарарға тәҡдим ителә: хужалыҡ ихтыяждары (утын) өсөн ботаҡтарҙы һәм олондарҙы ваҡлау, ашламалар әҙерләү өсөн ботаҡтарҙы һәм япраҡтарҙы компостлау, сүп-сарҙы сығарыу өсөн махсуслашҡан ойошмалар менән килешеү төҙөү.

Ҡағиҙәләрҙе боҙған өсөн административ яуаплылыҡ ҡаралған: граждандар өсөн — 3000 һумға тиклем штраф, юридик шәхестәр өсөн — 250 000 һумға тиклем.

Был ябай ҡағиҙәләрҙе үтәү йәмәғәт киңлектәренең таҙалығын һаҡларға һәм халыҡ өсөн уңайлы шарттар булдырырға мөмкинлек бирәсәк, тип билдләне министр.

Фото:видеонан скриншот