Ивановка ауылы халҡы дәртләнеп матур байрамға әҙерләнә.
Бында ошо шәмбелә Урамдар байрамы үтә. Байрамдың маҡсаты—туғанлыҡ ебен, ауылдаштар берҙәмлеген нығытыу, халыҡ йолаларын тергеҙеү, тыуған ауылға, тәбиғәтенә ҡыҙыҡһыныу, һөйөү, илһөйәрлек тәрбиәләү, ауылды төҙөкләндереү.
Гагарин урамында йәшәүселәр дәррәү генә өмәгә сыҡты. Байрам көткән ауыл тағы ла йәмләнеп ҡалды.