Баймаҡ районында полицейскийҙар Һаҡмарҙа законһыҙ рәүештә балыҡ тотҡан кешене тотҡан.
Башҡортостан Эске эштәр министрлығы мәғлүмәте буйынса, ир төн дауамында 115 метрлыҡ ау ярҙамында 60-тан ашыу төрлө балыҡ тотоп алған.
Таң менән «Ыуылдырыҡ» операцияһы барышында тәфтиш-оператив төркөм ваҡиға урынына юллана һәм браконьерҙы ҡулға ала.
Тәбиғәткә 52 мең һумдан ашыу зыян килтергән енәйәткә ике йылға тиклем иректән мәхрүм ителеү янай.
фото:Башҡортостан Эске эштәр министрлығы.