Халыҡ табиптарына эшләү өсөн лицензия кәрәк буласаҡ

Рәсәй төбәктәре власть органдарының халыҡ медицинаһы менән шөғөлләнеү өсөн биргән рөхсәт ҡағыҙы хәҙер Башҡортостанда ғәмәлдә түгел. Законлы рәүештә эшләү өсөн белгестәргә республика Һаулыҡ һаҡлау министрлығынан рөхсәт алырға кәрәк.

Рөхсәт ҡағыҙы министрлыҡтың аныҡ дауалау ысулдары күрһәтелгән рәсми бланкында ғына бирелә. Уны алыу өсөн хәҙер кандидаттар квалификацияһын рәсми раҫларға, белем алыу тураһында дипломын күрһәтергә, уларҙың пациенттарҙы ҡабул итеү өсөн бинаһы ла булырға тейеш.

Республиканың рөхсәт менән эшләгән халыҡ табиптарын иҫәпкә алыу журналы министрлыҡ сайтында урынлаштырыла.