Йыл һайын үткәрелгән “Бергәләп коррупцияға ҡаршы!” халыҡ-ара йәштәр социаль коррупцияға ҡаршы конкурсы старт алды. Быйыл был сара Коррупцияға ҡаршы дәүләт-ара советы ҡанаты аҫтында ойошторола.
14 – 35 йәштәгеләр ҡатнаша ала. Уларға “Бергәләп коррупцияға ҡаршы!” темаһына конкурс эштәре әҙерләргә тәҡдим ителә. Унда коррупцияға ҡаршы көрәш тураһындағы идеялар, шулай уҡ был йүнәлештә халыҡ-ара хеҙмәттәшлектең роле һәм мәғәнәһе сағылдырылырға тейеш.
Эштәр 2023 йылдың 1 октябренә тиклем конкурстың сайтында (www.anticorruption.life) “Иң яҡшы плакат” һәм “Иң яҡшы видеоролик” номинациялары буйынса ҡабул ителә. Халыҡ-ара конкурсты үткәреү ҡағиҙәләре менән тулыраҡ сайтта танышырға була.