2023 йылғы яҙғы саҡырылыш тураһында нимә белергә кәрәк?

Тиҙҙән Рәсәйҙә яҙғы саҡырылыш башлана: быйыл ул 1 апрелдән 15 июлгә тиклем дауам итә. 18-27 йәшлек егеттәрҙе армияға саҡырырға мөмкин.

Повестканы алғандан һуң ир-егет хәрби комиссариатҡа килергә һәм медицина комиссияһын үтергә тейеш, унда табиптар яраҡлылыҡ категорияһын билдәләйәсәк (сәләмәт «А»нан алып саҡырыуға яраҡһыҙ «Д»ға тиклем). Һуңынан егеттәрҙе ғәскәрҙәргә йүнәлтәләр: мәҫәлән, ҡоро ер, Һауа-десант, Хәрби-диңгеҙ флоттарына һәм башҡалар. Хеҙмәт итеү ваҡыты 12 ай тәшкил итә.

Армияға кемдәрҙе алмаясаҡтар:

• Эске эштәр министрлығы, Федераль именлек хеҙмәте, Ғәҙәттән тыш хәлдәр министрлығы хеҙмәткәрҙәре;
• хөкөм ителеү срогы үтмәгән йәки тикшереү аҫтында булған хөкөм ителеүсе;
• юғары уҡыу йорто студенттары һәм аспиранттар;
• яңғыҙ атайҙарға, оло йәштәге ата-әсәләрҙең опекундарына;
• ике һәм унан да күберәк балалары булған никахта торған атайҙар.

Саҡырыу кемдәргә кисектерелә:

• ауырыу туғанын тәрбиәләүселәр;
• өс йәшкә тиклемге инвалид балаһы булғанда;
• ҡатыны йөклө булғандар, шул уҡ ваҡытта срогы 26 аҙна һәм унан күберәк тәшкил итә.

Мөһим! Хәрби комиссариатҡа кисектереүгә хоҡуҡты раҫлаған документтар тапшырырға кәрәк.

Альтернатив хеҙмәт бармы?

Армия урынына хәрби хеҙмәткә саҡырылыусы дәүләт ойошмаларында йәки ҡораллы көстәрҙә эшләүҙе һайлай ала. Мәҫәлән, санитар, почтальон йәки водитель. Бындай һайлау өсөн сәбәптәр ни бары икәү:

• әгәр хәрби хеҙмәт егеттең инаныуҙарына йәки диненә ҡаршы килһә;
• әгәр ир-егет Рәсәй Федерацияһының аҙ һанлы төп халҡына ҡараһа һәм хужалыҡ, традицион кәсептәр менән шөғөлләнһә.

Бының өсөн саҡырыуға ярты йылға алдан, хәрби комиссариатҡа мөрәжәғәт итергә кәрәк.

Ғаризала хеҙмәткә саҡырылыусы ни өсөн хеҙмәтте алмаштырырға теләүен аңлатырға тейеш. Дини берләшмәнән йәки быны раҫлаған башҡа ойошманан белешмәләр талап ителмәй. Автобиография һәм эш, уҡыу урынынан характеристика һалыу мөһим.

Сығанаҡ:Объясняем.РФ.