Көтөлмәгән һәм ҡыйыу операцияла ҡатнаша

Кушнаренко районынан “Өфө” позывнойлы МХО-ла ҡатнашыусы яугирҙе легендар “Ағым” операцияһы барышында күрһәткән батырлығы өсөн Батырлыҡ ордены һәм генерал Шайморатов миҙалы менән бүләкләгәндәр. Был хаҡта “Башҡорт батальоны” каналы хәбәр итә.

2025 йылдың 8 мартында үткәрелгән “Ағым” операцияһы махсус хәрби операция осорондағы иң ҡыйыу һәм уникаль операцияларҙың береһе була. Ул саҡта 820 Рәсәй хәрбиһе мөмкин булмағанды эшләй. Улар диаметры метр ярымлыҡ Уренгой – Помары – Ужгород газ үткәргесенән 15 километр үтеп, Курск өлкәһе биләмәһендә дошман тылына сыға.

Рәсәй яугирҙәре төркөмө, уның составында “Өфө” лә була, тулы ҡараңғылыҡ шарттарында, метан парҙары ҡалдыҡтары менән һауа етмәгән хәлдә, ярым бөгөлгән килеш 40 килограмға тиклем ауырлыҡтағы өҫтәмә ҡорамалдар менән хәрәкәт итә. Улар ябыҡ арауыҡта дүрт тәүлек буйына етерлек күләмдә һыу һәм аҙыҡ-түлекһеҙ йөрөй. Беҙҙең штурмовиктарҙың ҡапыл килеп сығыуы дошман өсөн көтөлмәгән хәл була. Был Рәсәй ғәскәрҙәренә Суджаны һәм бөтә Курск өлкәһен тиерлек азат итергә мөмкинлек бирә.

Сығанаҡ: "Башҡорт батальоны" каналы.