Ҡорбан байрамында республика медицина учреждениеларының эш графигы билдәле булды

Шаршамбы, 27 майҙа, Ҡорбан байрамы көнөндә, республиканың медицина учреждениелары махсус расписание буйынса эшләй. Был хаҡта республиканың Һаулыҡ һаҡлау министрлығынан хәбәр иттеләр.

Поликлиникалар иртәнге сәғәт 8-ҙә асыла һәм киске 5-кә тиклем эшләй. Табипты сәғәт 4-кә тиклем саҡыртырға мөмкин. Грипп, ОРВИ һәм COVID-19 билдәләре булған пациенттарҙы иртәнге сәғәт 8-ҙән көндөҙгө 4-кә тиклем фильтр-бокстарҙа ҡабул итәләр.

Ҡатын-ҡыҙҙар консультациялары иртәнге сәғәт 8-ҙән көндөҙгө 4-кә тиклем асыҡ. Ошо уҡ ваҡытта йөклө ҡатын-ҡыҙҙар УЗИ-скрининг үтә ала.

Неонаталь һәм киңәйтелгән неонаталь скрининг өсөн өсөн яңы тыуған сабыйҙарҙың биоматериалдарын түбәндәге адрес буйынса ҡабул итәләр: Өфө ҡалаһы, Чернышевский урамы, 41-се йорт.

Хәбәр иткәнебеҙсә, Башҡортостанда йәшәүселәрҙе аҙна уртаһында өҫтәмә ял көнө көтә.

Автор: ӘЛФИӘ ӘҺЛИУЛЛИНА