22 марта баш ҡалабыҙ Өфөлә «Биҙәк» республика милли мәҙәниәттәр фестивале үтте.
Башҡортостан Мәғариф һәм фән министрлығы, ҡала мәҙәниәт идаралығы, баш ҡаланың Ғәли Ибраһимов исемендәге 2-се башҡорт лицейы тарафынан ойошторолған фестиваль конкурста 18 район, 5 ҡаланан 100-гә яҡын бала ҡатнашты.
Аҡъяр ауылы "Йәйғор" балалар баҡсаһынан 5 бала нәфис һүҙ, йыр, бейеү номинацияларында ҡатнашып бик уңышлы сығыш яһанылар.
Лилиана Ильясова "Урал батыр" эпосын һөйләп тамашасыларҙы хайран ҡалдырып 1-се дәрәжә лауреат исемен яуланы (етәксеһе Й.Ф. Хәйбуллина).
Азалия Ҡусҡарбәкова менән Самира Күҫәкова (етәкселәре: Ә.И.Сәлимова, Л.Р. Рыҫҡолова) "Әсәкәйем" йырын башҡарып, тамашасы һөйөүен яулап 1-се дәрәжә дипломына эйә булдылар.
"Беләҙегем- йөҙөгөм" бейеүен дәртле башҡарып Йәсмин Первушина һәм Дарина Юлдашбаева (етәксеһе Ә.И. Сәлимова) менән 2-се дәрәжә дипломға лайыҡ булдылар!
Бәләкәстәрҙе ихлас күңелдән еңеүҙәре менән ҡотлайбыҙ!!! Киләсәктә тағы ла ҙур сәхнәләрҙә сығыш яһарға насип булһын. Афарин!!!