Хәйбулла районында «Сәләмәтлек поезы» үҙ эшен дауам итә

Хәйбулла районында «Сәләмәтлек поезы» үҙ эшен дауам итә. 15-нән 17 авгусҡа тиклем белгестәр Бүребай ауылы һәм яҡындағы ауылдарҙың халҡын ҡабул итә.

Бөгөн 16 августа күсмә маммограф Садовый ауылында эшләй.

Аҡъяр үҙәк район дауаханаһы хәбәр итеүенсә, дөйөм алғанда  9-нан 15 авгусҡа тиклем «Сәләмәтлек поезы» белгестәре тарафынан 925 пациент тикшерелгән һәм уларға консультация бирелгән, шул иҫәптән терапевт - 214, хирург - 140, кардиолог - 70, педиатр - 135, оториноларинголог - 187, Фельдшер-акушерлыҡ пунктының фельдшерҙары - 179, флюорография - 153, маммография- 156 пациентты ҡабул иткән.

Артабан «Сәләмәтлек поезы» түбәндәге ауылдарҙа эшләй:

18-21 август - Һамар ауылы;

22-23 август - Степной ауылы;

24-25 август - Йәнтеш ауылы;

28-30 август - Сиҙәм ауылы;

31 август - 4 сентябрь - Подольск ауылы.

фото:Аҡъяр үҙәк район дауаханаһы