Сит илдәрҙән хәүефле вирус инеүе янай....

11 апрелдә Рәсәйҙә полиомиелитҡа ҡаршы вакцинация башланды. Роспотребнадзорҙың матбуғат хеҙмәте мәғлүмәттәренә ярашлы, ваҡытында йәки бөтөнләй прививка яһалмаған 5 йәшкәсә балаларға, ЛНР-ҙан, ДНР-ҙан һәм Украинанан килгән 14 йәшкә тиклемге балаларға эшләнә.

«Сир хәүефе юғары булған илдәрҙән полиомиелит вирусы инеү хәүефе янауы сәбәпле ошондай ҡарар ҡабул ителде», – тип хәбәр иттеләр ведомство вәкилдәре.

Белешмә

Полиомиелит  –  инвалидлыҡҡа килтергән сир. Инфекция башлыса биш йәшкә тиклемге балаларҙы зарарлай. Статистикаға ярашлы, 200 осраҡтың береһендә фалиж һуғыуы күҙәтелә, уны дауалап булмай. Ошондай сирлеләрҙең 5-10% яҡты донъя менән хушлаша. Вирус кешенән кешегә йәки бысранған һыу, аҙыҡ-түлек аша йоға һәм эсәктә үрсей. Тәүге билдәләре – биҙгәк тотоу, арыу, баш ауыртыу, ҡоҫоу, аяҡ-ҡулдарҙың һыҙлауы.

https://bash.bashinform.ru/news/social/2022-04-13/rospotrebnadzor-balalar-a-h-efle-sirg-arshy-vaktsinatsiya-bashlanyuy-ha-ynda-i-lan-itte-2768092