Бүребай табип амбулаторияһы яңы төҫ ала

Бүребай ауыл табип амбулаторияһында капиталь ремонт эштәре аҙағына яҡынлаша. Бөтә ремонт эштәре «Бүребай тау-байыҡтырыу комбинаты» акционерҙар йәмғиәтенең аҡсаһына финанслана. Был сара «Медицина-санитар ярҙамдың беренсел звеноһын үҫтереү» программаһы буйынса «Һаулыҡ һаҡлау» милли проекты маҡсаттарына һәм бурыстарына тулыһынса тап килә.

Төҙөлөш-монтажлау, фасадтарҙы көпләү, бинаның ҡыйығын ремонтлау, тәҙрәләрҙе алмаштырыу эштәре тамамланған, биналарҙы эске биҙәкләү башҡарылған, йылытыу, һыу менән тәьмин итеү, елләтеү һәм электр менән тәьмин итеү системаларының инженер селтәрҙәрен яңынан һуҙғандар. Тирә-яғын төҙөкләндереү сиктәрендә асфальт япмаһы һалынды.

Бөгөнгө көндә подрядсы етешһеҙлектәрҙе бөтөрә, 2-се һәм 1-се ҡаттарҙа учреждениеның медицина кабинеттарын ойоштороу буйынса эштәр алып бара. Капиталь ремонт 963 квадрат метр майҙанда үткәрелә.

#национальныепроекты#нацпроекты
#региональныепроекты#регпроекты#нацпроектыБашкортостан