Республикала 710 бала коронавирустан прививка яһатты

1 февралгә мәғлүмәттәргә ярашлы, Башҡортостанда 710 балаға коронавирусҡа ҡаршы прививка яһалған, тип хәбәр итте Республикаға идара итеү үҙәге.

Хәтерегеҙгә төшөрәбеҙ, уҙған аҙнала республикаға 12-17 йәшлектәргә коронавирустан прививка эшләү өсөн «Спутник М» вакцинаһының беренсе партияһы (2880 доза) килтерелде.

«Спутник М» — «Спутник V» препаратының биш тапҡырға еңеләйтелгән варианты, шулай уҡ ике компонентлы вакцина булып тора.

Прививканы республиканың балалар поликлиникаларында яһатырға мөмкин. Медицина учреждениелары иртәнге 7-се яртынан киске 8-гә тиклем эшләй.

Балаларға вакцина теләк буйынса яһала. Шул уҡ ваҡытта 15 йәше тулмаған балаға ата-әсәләрҙең ризалығы мотлаҡ шарт булып тора.

Үҫмерҙәргә вакцина яһау тураһында тулыраҡ мәғлүмәт ЦУР белгестәре әҙерләгән карточкаларҙа.

https://www.bashinform.ru/news/social/2022-02-01/v-bashkirii-ot-covid-19-privilis-uzhe-710-detey-2675795