Танауға һалына торған “Спутник V” вакцинаһы сығасаҡ

Коронавирусҡа ҡаршы “Спутник V” вакцинаһының яңы төрөн – танауға һалына торғанын һынау өсөн 15 ғинуарҙан ирекмәндәр йыя башлаясаҡтар. Был турала ТАСС мәғлүмәт агентлығы яҙып сыҡты. Гамалея исемендәге үҙәктең директоры Александр Гинцбур ирекмәндәрҙең бер нисә төркөмөн – прививка яһатҡандарын да, яһатмағандарын да йыйырға ниәтләүҙәре хаҡында хәбәр итә.

Тикшереү сиктәрендә шулай уҡ был вакцинаны ҡулланғандан һуң антиесемдәр кимәлен билдәләү буйынса тест-система ла һыналасаҡ.

Вакцинаның танауға һалына торған төрө 2022 йылдың беренсе кварталында файҙаланыуға сығасаҡ, тип көтөлә. Ул коронавирустың тиҙ таралыусы “омикрон” штамына ҡаршы һөҙөмтәле буласаҡ, ти ғалимдар.

Фото Интернет селтәренән.