Еңеүселәргә - 20, 30, 50 мең һум

Башҡортостан Журналистар союзы “Вирусты бергәләп еңәйек!” тип аталған вайндар, мемдар, видеороликтар конкурсы иғлан итә. Унда теләгән һәр кем ҡатнаша ала.

Номинацияларҙың береһендә еңгәндәр аҡсалата приз аласаҡ: 1-се урынға – 50 мең һум, 2-се урын өсөн – 30 мең һум, 3-сө урынға 20 мең һум ҡаралған.

Конкурста 27 июлдән алып 26 авгусҡа тиклем ҡатнашыу мөмкин.

Унда ҡатнашыу шарттары:

1) вайндар һәм видеороликтар төшөрөп, мемдар уйлағыҙ;
2) @mass_media_rb билдәһе аҫтында социаль селтәрҙәргә һалығыҙ;
3) #вместевируспобедим, #язавакцинацию хештегтарын ҡуйығыҙ.
Конкурс ҡағиҙәләре һәм шарттары Башҡортостан Журналистар союзы сайтында баҫылған.