Хәйбулла ауылдарында Бөйөк Еңеүҙең 78 йыллығына арналған саралар үтте

Бөйөк Ватан һығышында ҡатнашҡан яугирҙәр исеме уйылып яҙылған памятник янында Еңеүҙең 78 йыллығына арналған байрам сараһы үтте. 9 май - һәр Рәсәй ғаиләһе өсөн иң изге көн.Был көндөң әһәмиәте йылдар үтеү менән юғалмай,арта ғына бара.Һәр йортта тыныслыҡ яулаған атай- олатайҙарҙың,әсәй-өләсәйҙәрҙең фотоһүрәттәре ҡәҙерләп һаҡлана. Эйе,беҙҙең уларҙы бер ҡасанда онотмаҫбыҙ,оноторға хаҡыбыҙ юҡ! Бөгөн Хәйбулла ауылдарында Бөйөк Еңеүҙең 78 йыллығына арналған саралар үтте. Мәҫәлән, Федоровка ауылында йәшәүселәр «Беҙ иҫләйбеҙ, беҙ ғорурланабыҙ» автоуҙышын ойошторҙо һәм фронтовиктарҙың портреттары менән урамдар буйлап «Үлемһеҙ полк» үтте. Әбештә тантаналы митинг сиктәрендә һалдат бутҡаһын әҙерләгәндәр.