Бөгөн төшкө аш ваҡытында предприятие ашханаһы буш ине. Сөнки урамда ялан кухняһы ойошторолоп һәм Еңеү көнө хөрмәтенә «Башҡорт баҡыры» предприятиеһы хеҙмәткәрҙәрен һалдат бутҡаһы менән һыйланылар. Тушенка менән ҡарабойҙай бутҡаһы хеҙмәткәрҙәрҙең күңеленә хуш килгән, шуға ла ялан кухняһына сират йыйылған. Ләкин бында халыҡ һый артынан ғына барманы, күп кенә теләүселәр һалдат формаһын кейгән һөйкөмлө ҡыҙҙары менән ялан кухняһында иҫтәлеккә фотоға төшөргә булды.