Радий Хәбиров «Башҡортостан. Хроника. Махсус хәрби операция» фильмы тураһында хәбәр итте

Башҡортостан юлдаш телеканалында «Башҡортостан. Хроника. Махсус хәрби операция» документаль фильмын күрһәтәләр. Был хаҡта республика етәксеһе Радий Хәбиров үҙенең телеграм-каналында хәбәр итте. Фильмдың нигеҙендә — республика киң мәғлүмәт сараларының материалдары, алғы һыҙыҡтан уникаль кадрҙар. Унда мобилизацияланған һәм үҙ теләге менән яуға киткән яҡташтарыбыҙҙың Тыуған илебеҙҙе һаҡлауы, тылда яугирҙәргә нисек ярҙам итеүҙәре хаҡында һөйләйҙәр.

«Башҡортостан. Хроника... » серияһынан тағы бер фильм төшөрҙөк. Был юлы махсус хәрби операцияға арнала. Ошо фильм да — көслө һәм ҡыйыу яҡташтарыбыҙ, яңы саҡырыуҙар хаҡында», — тип яҙҙы Радий Хәбиров.

«Башҡортостан. Хроника. Махсус хәрби операция» фильмы кесаҙна һәм йома киске сәғәт 7-лә Башҡортостан юлдаш телеканалында күрһәтелә.

https://bash.bashinform.ru/news/social/2023-06-21/radiy-h-birov-bash-ortostan-hronika-mahsus-h-rbi-operatsiya-filmy-tura-ynda-h-b-r-itte-3308098