«Мораҙым тарлауығы» тәбиғәт паркында карантин 4 июнгә тиклем оҙайтылды. Был осорҙа паркка инергә ярамай, тип хәбәр итә республиканың Махсус һаҡланған тәбиғәт биләмәләре дирекцияһы. Биләмәне санитар эшкәртеүгә бәйле 25-26 майға тәбиғәт паркында карантин иғлан ителгәйне. Һуңынан уны 30 майға тиклем оҙайттылар.
Бынан алдараҡ «Башинформ» Белоруссиянан килтерелгән зубрҙарҙы Мораҙым тарлауығына ебәрәләр тип хәбәр иткәйне.