Өфөнөң 3-сө бала табыу йорто ҡала клиник перинаталь үҙәге итеп үҙгәртелде. «Башинформ»ға баш табип Зөһрә Гурованан билдәле булыуынса, 1 февралдән медицина учреждениеһы яңы статусҡа эйә булды.
3-сө бала табыу йорто – баш ҡаланың күптәнге бала табыу йорттарының береһе. 1958 йылдың эҫе июнь айында бында тәүге бала донъяға ауаз һалған.
Бала табыу йортонда ике ҡатын-ҡыҙ консультацияһы эшләй. 2014 йылда 2-се ҡатын-ҡыҙҙар консультацияһында – ҡатын-ҡыҙҙарҙы медицина- реабилитациялау бүлеге, ә 2016 йылда «Аҡ Роза» ҡатын-ҡыҙ һаулығын тикшереү үҙәге асылды.
.