Пензалағы хәрби часҡа мобилизацияланған ир-егеттәр икенсе урынға күсте

Башҡортостандан, Пенза һәм Ульянов өлкәләренән өлөшләтә мобилизацияға эләккән хәрбиҙәрҙең тәүге төркөмө  хәрби часты ҡалдырҙы. Был хаҡта Пенза өлкәһе губернаторы Олег Мельниченко хәбәр итте, тип яҙа “Башинформ” мәғлүмәт агентлығы.

Өлкә башлығы: «Яугирҙәр бронежилеттар һәм шлемдар, шулай уҡ үҙҙәренә кәрәкле әйберҙәр — йоҡлау өсөн тоҡтар, термокейемдәр, бирсәткәләр, һаҡлағыс күҙлектәр, шәхси медицина аптечкалары менән тәьмин ителде. Төбәк хөкүмәтендә иң кәрәкле нәмәләр һатып алыу тураһында ҡарар ҡабул ителде», — тип яҙа.

 Радий Хәбировтың хәрби һорауҙар буйынса кәңәшсеһе Юрий Орда был мәғлүмәттең дөрөҫ булыуын раҫланы. Алдағы ике аҙнала мобилизацияланған хәрбиҙәр Ҡырымда  әҙерлек үтергә тейеш.

https://bashkizi.ru/news/-u--iy-ili-tar/2022-10-12/penzala-y-h-rbi-chas-a-mobilizatsiyalan-an-ir-egett-r-ikense-uryn-a-k-ste-2985637