Әлеге ваҡытта Рәсәйҙең күпселек төбәктәрендә нәҫелдән килгән биш ауырыуға: фенилкетонурияға, адреногениталь синдромға, тыумыштан килгән гипотиреозға, галактоземияға һәм муковисцидозға ғына неонаталь скрининг уҙғарыла.
Хәҙер иһә республикала яңы тыуған сабыйҙарҙың бөтәһен дә арҡа-мускул атрофияһына һәм беренсел иммунодефицитҡа тикшерәләр.
Башҡортостан - пилот проектына ҡушылған һигеҙенсе төбәк. Бынан алда ул Рязань, Владимир, Ырымбур, Свердловск өлкәләрендә, Краснодар крайында, Чечен Республикаһында һәм Төньяҡ Осетия-Алания Республикаһында башланғайны. Бөгөнгә 108 000 тикшереү уҙғарылған. 15 сабыйҙа арҡа-мускул атрофияһы диагнозы раҫланған.