«Мир» карталары коммуналь хеҙмәттәргә түләгән өсөн кешбэкте кире ҡайтара

Шәхси кабинетта электр, эҫе һыу һәм йылылыҡ өсөн түләһәң, сумманың 1% картаға кире ҡайтарыла.

Акция 15 июндән 31 декабргә тиклем уҙғарыла. Унда ҡатнашыу өсөн картаны лояллек программаһында теркәргә кәрәк. Быны ике ысул менән эшләргә мөмкин.

«Башэлектросбыт» акционерҙар йәмғиәте клиентының шәхси кабинетындағы махсус баннерға баҫып, тейешле юлдарҙы тултырырға кәрәк.

Йә картаның сайтына инеп, «Торлаҡ-коммуналь хужалыҡ» категорияһында акция барған сәхифәлә «активациялау» төймәһенә баҫырға һәм кәрәкле юлдарҙы тултырырға.

Кешбэк аҡса түләгәндән һуң 5-7 эш көнө дауамында күсерелә.

https://bash.bashinform.ru/news/social/2022-06-15/mir-kartalary-kommunal-he-m-tt-rg-t-l-g-n-s-n-keshbekte-kire-aytara-2840282