+11 °С
Болотло
Бөтә яңылыҡтар
ЙӘМҒИӘТ
8 Март 2021, 11:59
“Аҡса әрәм итеп, сәскә алаһы булма!”
Магазинда ирен шулай тип әрләгән ҡатындың һүҙҙәрен ишетеп...
Бынан бер нисә йыл элек, 7-семе, 8-семе мартта, әхирәтем ҡунаҡҡа саҡырҙы. Байрам уңайынан гөлләмә алайым әле тип, сәскә магазинына индем. Ә унда... кибеттең эсе тулы ир-егет! Кемеһелер консультант ҡыҙҙарҙан сәскә һайлауҙа ярҙам һорай, икенселәре әҙер букеттарҙы ҡарай, өсөнсөләре бүлмә гөлдәре һатылған бүлектә мәж килә.
Әхирәтемдең гөл яратыуын белгәнгә мин дә шул бүлеккә үттем. Шау сәскәгә күмелгән миләүшәләр, азалиялар, примулалар, бүлмә раузалары күҙҙең яуын алып ултыра. Янымда ғына бер ир-егет тә гөл һайлай. Әле – береһен, әле икенсеһен тотоп ҡарай. Шул саҡ тегенең ҡатыны янға килеп баҫты ла:
– Һин кемгә һайлайһың был гөлдө? – ти.
– Һиңә! Байрам уңайынан...
– Эйе, шул ғына етмәгәйне! Былай ҙа аҡса етмәй! Һин бер эшкинмәгән сәскәгә аҡса түгергә йөрөйһөң. Кәрәкмәй! Алаһы булма! – тип ҡатын пыр туҙып, эргә-тирәлә кеше бар тип тә тормай, ирен әрләп ташланы. Бахыр ир ҡулындағы гөлөн кире кәштәгә ҡуйып, шым ғына сығып китеү яйын ҡараны.
Ҡәҙерле әхирәттәр! Ир-егеттәрҙең матур ынтылыштарын һүндермәйек. Бына был осраҡта ла шул ағай ҡатынына үҙе һайлаған гөлдө алһа, тегеһе ихлас күңелдән рәхмәтле булып ҡабул итһә, икеһенең дә кәйефе күтәрелер ине. “Рәхмәт инде, күптән ошо гөлдө алырға хыяллана инем!” – тип тә өҫтәһә, тегеһенең дә күңеле булыр ине.
Ә һеҙ был осраҡта ирегеҙгә нимә тип әйтер инегеҙ? Аҡсаға мохтажлыҡ кисергән сағығыҙ булһа, сәскә бүләк итергә теләгән ирегеҙҙе тыйыр инегеҙме?
Фото: sportschool-ulsk.ru
Автор: Гөлдәр Яҡшығолова
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95