Хәйбулла хәбәрҙәре
+10 °С
Болотло
ВКонтакте
Одноклассники
Телеграм
Баш
Рус
Бөтә яңылыҡтар
ЙӘМҒИӘТ
16 Февраль 2021, 10:40
Асарбаҡтарға йылы кейем кәрәк
/
17 февралдә Өфөнөң Совет районында – Карл Маркс урамы һәм Ибраһимов бульвары киҫелешендә - сәғәт 12-нән 13.00 сәғәткә тиклем мәрхәмәтлек акцияһы үткәреләсәк.
Республика комплекслы социаль үҙәк белгестәре йәшәр урындары булмаған кешеләргә ашығыс социаль ярҙам күрһәтәсәк. Асарбаҡтар ҡайнар аш, йылы кейем-һалым, аяҡ кейеме менән тәьмин ителәсәк, шулай уҡ улар юридик, психологик ярҙам аласаҡ.
Акцияға теләгән һәр кем ҡушыла ала. Төрлө сәбәп менән урамда ҡалған кешеләрҙең яҙмышына битараф булмайыҡ, ҡулдан килгәнсә ярҙам итәйек. Кейем-һалымдың яңы булыуы мотлаҡ түгел, ҡышҡы һыуыҡта уларға йылы кейем бик кәрәк. Комплекслы үҙәктең телефоны - 8-347-287-28-66.
Фото: Ғаилә, хеҙмәт һәм халыҡты социаль яҡлау министрлығы.
Автор: Дина Арсланова.
https://bash.rbsmi.ru/articles/sotsial-m-s-l/Asarba-tar-a-yili-keyem-k-r-k-677583/
Читайте нас: