+11 °С
Болотло
Бөтә яңылыҡтар
ЙӘМҒИӘТ
23 Ғинуар 2021, 23:15
Бөтә донъя башҡорттары ҡоролтайы «Ырыуҙар йыйыны» исемле яңы проект башлай
Был турала йәмәғәт ойошмаһының матбуғат конференцияһында белдерелде. Тәүге йыйын 29 ғинуарҙа Борайҙа үтә.//
Был турала кисә йәмәғәт ойошмаһының матбуғат конференцияһында белдерелде.
Осрашыуҙа башҡарылған эштәр барланды, киләсәккә бурыс-маҡсаттар билдәләнде. Бөтә донъя башҡорттары ҡоролтайы өсөн 2020 йыл эшлекле шарттарҙа, һөҙөмтәле үткән. Башҡорт теле йылы айҡанлы күләмле һәм йөкмәткеле саралар ойошторолған, «Шайморатов вариҫтары» проекты, «Айыҡ ауыл» конкурсы киң ҡолас алған.
Быйыл Ҡоролтай тағы ла яңы, үҙенсәлекле проекттарға нигеҙ һала. 2021 йыл Башҡорт тарихы йылы девизы аҫтында үтәсәк. Ошо айҡанлы йәш быуында тарихҡа, үткәндәргә һөйөү тәрбиәләүгә йүнәлтелгән «Төньяҡ Амурҙары» проекты тормошҡа ашырыласаҡ, Ырыуҙар ҡоро уҙасаҡ. Тәүге йыйын ғинуар аҙағында Борай ауылында үтә, унда Елдәк ырыуы вәкилдәре осраша. Елдәктәр, Борай районынан тыш, Саҡмағош, Нуриман, Благовещен, Дүртөйлө, Илеш, Ҡариҙел райондары биләмәһендә йәшәй.
Бөтә донъя башҡорттары ҡоролтайы башҡорт телен, мәҙәниәтен, тарихын матбуғат сараларында һәм социаль селтәрҙәрҙә популярлаштырыуға йүнәлтелгән проекттарға грант ярҙамы күрһәтеү буйынса конкурс та иғлан иткән. Еңеүселәр ай һайын билдәләнеп бара.
Ойоштороусылар әйтеүенсә, ҡатнашыусылар күп, был айҙа ғына 60-лап ғариза ҡабул ителгән. Бөгөн тәүге айҙың еңеүселәре иғлан ителде. Бүләкләнеүселәр араһында журналистар ҙа, блогерҙар ҙа бар. Мәҫәлән, социаль селтәрҙәрҙә «Серле» төркөмөн ойоштороусы. Ә бына Тәтешле район гәзите грантҡа башҡорт шағиры һәм мәғрифәтсеһе Ғәли Соҡорой һәм Иҫән хан хаҡындағы материалдары өсөн лайыҡ булған. Пермь башҡорттары еңеүҙе ғәйнәләрҙең милли кейеме хаҡындағы видеояҙмалары менән яулаған.
Рәмзиә Кәримова.
Читайте нас:
© 2024 Ижтимағи-сәйәси гәзит. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Свидетельство о регистрации СМИ: ПИ № ТУ 02 - 01391 от 12 августа 2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан. Главный редактор Имангулова М.Г.
Все материалы сайта «Хәйбулла хәбәрҙәре» предназначены для пользователей старше 18 лет.
Телефон
8(34758)2-14-98
Электрон почта
Адресы
453800, Башкортостан, Хайбуллинский район, с.Акъяр,пр.С.Юлаева, д.41.
Реклама хеҙмәте
8(34758)2-15-62
Редакция
8(34758)2-14-98
Ҡабул итеү бүлмәһе
8(34758)2-14-95
Хеҙмәттәшлек
8(34758)2-15-62
Кадрҙар бүлеге
8(34758)2-14-95