Хәйбулла хәбәрҙәре
+10 °С
Болотло
ВКонтакте
Одноклассники
Телеграм
Баш
Рус
Бөтә яңылыҡтар
ЙӘМҒИӘТ
6 Ноябрь 2020, 10:50
Көҙгө каникул тамамланыр алдынан Өфө мәктәптәрендә дезинфекция үткәрелә
/
Өфөлә мәктәптәр көҙгө каникулдан һуң уҡыу процесын башларға йыйына. Ҡала мэрияһынан хәбәр итеүҙәренсә, әле кабинеттар, тамаша һәм спорт залдары, коридорҙар, кейенеү-сисенеү бүлмәләре, ашханалар эшкәртелә. Дезинфекцияны өс кешенән торған бригада үткәрә.
Республика дезинфекция үҙәгенең профилактика дезинфекцияһы бүлеге мөдире Рәсимә Миңлебаева һүҙҙәренсә, зарарһыҙландырыусы эштәр башҡарғанда дүртенсе хәүефһеҙлек класына ҡараған иретмә файҙаланыла.
Ул шулай уҡ ҡалала бөтә мәғариф учреждениеларының эшкәртелеүен хәбәр итте: Совет һәм Октябрь райондарында – 40 мәктәп, Орджоникидзе һәм Калинин райондарында – 48, Дим һәм Киров райондарында – 27. Рәсимә Миңлебаева һүҙҙәренсә, 4 ноябрҙә Ленин районында һуңғы мәктәп – 2-се лицей эшкәртелде.
Бынан алда «Башинформ» әгәр республикала коронавирус инфекцияһы таралыуға бәйле хәл яҡшырмаһа, Башҡортостан Башлығы Радий Хәбировтың көҙгө каникулды 4 ноябрҙән һуң оҙайтыу вариантын ҡарауын
хәбәр иткәйне
.
«Башинформ» мәғлүмәт агентлығы.
https://www.bashinform.ru/bash/1517025/
Читайте нас: